Hans Bethe

Hans Albrecht Bethe (in germano: [ˈhans ˈalbʁɛçt ˈbeːtə]; Strasburgo, Germania (hodie Francia) le 2 de julio 1906 – Ithaca, Nove York, SUA le 6 de martio 2005) esseva un physico theoretic german e un ganiator del Premio Nobel pro Physica. De heredentia judee, ille ha fugite Germania in 1933 quando le era Nazi comenciava, e post un periodo in Grande Britannia ha arrivate in le SUA in 1935. Con le exception del Secunde Guerra Mundial, quando ille esseva le chef del Division Theoretic del Projecto Manhattan in Los Alamos, New Mexico, ille passava le 70 annos de su carriera a Cornell University. Como un del creatores del bomba atomic, ille esseva active in le movimento contra armas nuclear e laborava multo pro disarmamento international. Ille esseva le ganiator del Premio Nobel pro Physica de 1967 "pro su contributiones al theoria de reactiones nuclear, specialmente su discopertas super le production de energia in stellas."